Diego Gago, futuro Presidente de NNXX da Provincia de Pontevedra

Diego Gago é o próximo Presidente Provincial de NNXX de Pontevedra.

É o único candidato. Foi capaz de aunar a todos e seguro que formará unha candidatura forte e potente, onde toda a provincia estará representada.

Cando unha persoa é capaz de garantir a unidade interna dunha organización ten un mérito enorme, sobre todo, nos procesos congresuais, onde en moitos casos as posibilidades de máis candidaturas, síntoma de riqueza e de debate, poden acabar nalgúns casos en guerras fraticidas entre compañeiros.

Estou seguro que Diego o fará moi ben, porque ten ilusión, forza e vai seguir revitalizando e formando xuntas locais no marior número de concellos posibles como xa viña facendo Javi Dorado, o Presidente sainte.

O día 11, sábado, agardo que vaiades á Biblioteca de Marín, onde se celebrará o Congreso Provincial.

Novos tempos para Novas Xeracións

Onte celebramos na capital de Galicia o VIII Congreso Rexional das Novas Xeracións de Galicia.

Un día moi emotivo polo que significa ter que lle dar o adeus á que foi ata o de agora a nosa Presidenta e amiga, María Seoane, que coa súa xestión revitalizou esta organización en todas as comarcas do noso país, en concellos pequenos e cidades.

Pola contra, onte eliximos ó futuro líder dos militantes da nosa organización, Javi Dorado, con capacidade demostrada en política e no mundo xuvenil con suma experiencia.

Son novos tempos para unha promoción de mozos e mozas moi xóvenes ós que o noso novo Presidente lles dá a oportunidade de estar ao seu carón para traballar, patear e axudar en todo o que poidan no que el lles pida e teñan que facer con lealdade e compromiso.

Especialmente, quero resaltar o nombramento de Juanfran como novo Secretario Xeral.
É un amigo e compañeiro de Trabada, Lugo, con perfil conciliador, integrador e moi disposto para escoitar a todos.

Particularmente, estou moi ilusionado da oportunidade que me brindou Javi de ser o responsable dentro do novo Comité Executivo da área de Política Lingüística e Educación.

Gracias a todos.

VIII Congreso de Novas Xeracións

Hoxe a Xunta Directiva das Novas Xeracións convocou un Congreso Rexional para o día 31 de xullo, que servirá para suceder ó equipo que estes anos liderou María Seoane Romero.

Co visto bo do Secretario Xeral dos populares, Alfonso Rueda, as NNXX prepararanse para un tempo ilusionante, de fonda actividade, onde os candidatos que se queiran presentar terán por diante a obriga de patear toda Galicia, as locais de NNXX e exercer un contacto permanente cos miles de afiliados da organización política xuvenil do PPdeG, aínda que, sobre todo, será un período de debate interno, no que agardo non haxa moitos exabruptos que desperten diferencias persoais, para as que algúns non nos prestaremos nin estaremos presentes, mais sí para o debate interno se alguén quere pasar consulta.

Novas Xeracións ten que ser a parte máis viva e activa do partido, na que as persoas que queiran aportar sumen; que os compañeiros que teñan puntos de vista diferentes non sexan vetados ou condeados ao ostracismo, accións máis propias doutras organizacións como a laboura de control que exerce a dirección da UPG en Galiza Nova.

Dou por seguro que será un debate sosegado, tranquilo e prudente, mais co firme compromiso de ser a correa de transmisión entre os sectores xuvenís galegos e o noso partido.

Sumar por adicción.

É a humilde opinión dun simple militante desta organización.

Saúdos.