martes, 30 de noviembre de 2010

Entrevista en Xornal de Galicia

“Sei que os grupos da oposición usarán a miña idade como escusa para atacarme”.


Ata hai ben pouco dicíase que a xente moza era maioritariamente de esquerdas. Non obstante, tras o 1 de marzo de 2009 din que as tendencias están cambiando en Galicia. Polo menos asegúrano dende o PPdeG, o partido que, di, contou co voto dos mozos para chegar á Xunta e que agora presenta o candidato a unha alcaldía máis mozo de Galicia: Jorge Cubela, un estudante de Dereito que no mes de xaneiro cumprirá 22 anos.

Como decide un rapaz de 21 anos presentarse como candidato do Partido Popular en Cotobade?

O partido está nunha fase de renovación, e unha vez que se convocou unha asemblea cos militantes, o presidente provincial do partido, Rafael Louzán, o pasado 16 de setembro, someteu a cuestión quen podería ser o mellor candidato da lista para encarar as eleccións de maio de 2011 no concello. Alí, os militantes dixeron que a mellor persoa que podían atopar neste momento era eu. Foron os militantes os que unanimemente me propuxeron como candidato. A verdade é que había bastante consenso, e semellaba que, se eu me presentaba, o partido en Cotobade acudiría moi unido ás locais. Foi por iso, e polo apoio que me prestou Rafael Louzán, que decidín dar o paso para presentarme.

Cal é a situación do PP en Cotobade?

Nestes momentos, en Cotobade goberna o PSOE en coalición co BNG. O Partido Socialista ten cinco concelleiros, o PP ten catro e o BNG ten dous. Aquí pasa o de sempre: o bipartito de Cotobade está dividido, non hai xestión, nin programa de Goberno. O que Cotobade necesita é un Goberno unido, non que haxa fisuras nin tensións e sobre todo un Executivo no que non haxa catro alcaldes, que é o que está pasando agora mesmo. No concello hai agora mesmo catro adicacións exclusivas e un asesor e eu entendo que nestes momentos un municipio coa capacidade que ten Cotobade non se pode permitir iso, é un despilfarro.

Cotobade é un concello do rural. Que pensan os maiores do concello de que se presente un rapaz tan novo? Cre que lle poden dar o voto?

Supoño que a idade será un dos poucos argumentos que poidan utilizar contra min os membros de PSOE e BNG. Eu nacín e vivo en Cotobade, e coñezo de sobra as súas carencias e necesidades. Moita xente, incluso moita xente maior, estáme a parar pola rúa para facerme peticións, para dicirme se lle podo ou lle poderei solucionar este ou aquel outro problema, porque non atopan resposta por parte do concello. Ben sei que cando se achegue o tempo da campaña eles dirán que teñen moita experiencia e que eu non a teño. Pero non sei de que serve a experiencia cando non fixeches nada do acordado, e cando nin tan sequera gardaches o que deixaron feito os que estiveron antes ca ti.

Cando comezou a súa relación co mundo da política?

Teño 21 anos, vou para 22. Dende os 16 anos estou en política. A esa idade ofrecéronme entrar dentro do partido. Logo, cando fun estudar a Santiago foi cando me metín máis a fondo co tema. Participei na redacción dos programas do PPdeG nos apartados xuvenís representando a Novas Xeracións. Foi nesa etapa cando entrei en contacto con cargos destacados da vida política galega e persoas que hoxe en día son altos cargos da Xunta. Iso foi outras das cousas que me animou para poder aceptar este reto. Creo que un alcalde non só debe gobernar ben senón que ten que saber moverse para atraer inversións para o concello. Se tes un alcalde que non é capaz de conseguir inversións para o municipio...

O actual presidente de Novas Xeracións, Javier Dorado, asegurou nun Café de Redacción que con trece anos ía a mitins de Aznar. A vostede pasáballe algo parecido?

Meu pai foi 16 anos tenente de alcalde en Cotobade. A inquedanza constante polo futuro de Cotobade e os seus veciños xa é algo que me vén dado dende o berce. Co seu apoio, as súas ensinanzas e con toda a axuda que me está dando, a verdade é que os veciños sempre viron que tiña un bo respaldo por detrás. Non son unha persoa que me presente á alcaldía e que veña de fóra. Dende pequeno xa andaba por aí sempre co me pai e por iso sei que é o que se fixo ou o que non se fixo en Cotobade e que é o que hai que facer.

Fala nun galego moi fluído... Onde se situaría, nas boinas ou nos birretes?

Non creo que agora mesmo existan as boinas e os birretes. Eu me encadro dentro do Partido Popular de Galicia, o cal lidera Alberto Núñez Feijóo. Creo que estamos nun momento moi bo no que o partido está moi unido. E este é un partido que nos seus estatutos se define como centrista e galeguista. Mentres eu siga pensando así e o partido tamén siga pensando neses termos creo que estou na formación que está de acordo coa miña ideoloxía, o mellor partido para Galicia. Milito nunha organización que defende os intereses de Galicia dentro do marco constitucional e dentro de España. Se nun partido hai bases galeguista é precisamente no Partido Popular.

Como persoa que aínda é estudante, que lle parece o decreto do galego posto en marcha por Feijóo? Cre que defende a lingua propia de Galicia?

O tema do decreto é un tema moi sensible que hai que tratar co maior consenso posible. Á hora de elaborar un decreto tería que terse feito, xa na anterior lexislatura co PSOE, ofrecendo un maior diálogo ao PP, que non se deu. Sobre o tema do decreto creo que hai que resaltar que o importante é que as persoas, nas súas casas, nos comercios, na rúa, poidan falar con total liberdade tanto en castelán como en galego. Eu creo, como galeguista, que o galego hai que fomentalo dende a liberdade, e hai que potencialo cos recursos económicos que haxa. Os nenos pequenos deben familiarizarse co galego, pero non se lles debe impoñer, porque iso fai que se vexa a lingua como unha ameaza. Eu espero que agora tanto galego como castelán se harmonicen. É certo que, como lingua máis ameazada, o galego ten que recibir máis axuda, pero creo realmente que iso xa se está a facer dende a Xunta. Non debe haber unha infravaloración nin do galego nin do castelán.

Cre que a desafección que parecen sentir os mozos pola política nestes momentos pode remitir?

Creo que en Galicia hai un cambio de ideoloxía, de ideas na xente moza. Antes estaban máis asociados ao Bloque Nacionalista pero agora temos que dicir que o voto que deu o cambio foi o da xente moza. Novas Xeracións ten case tantos militantes como o Bloque no seu conxunto. Dende que o Goberno de Galicia está dirixido por Núñez Feijóo, as cotas de afiliación subiron moitísimo.

lunes, 29 de noviembre de 2010

O PP Cotobade lamenta que o Goberno local se acorde despois de 8 anos do solo industrial

*Os populares denuncian que a falta de solo industrial en Cotobade provoca que os autónomos e empresarios do municipio se instalen en concellos veciños como Campo Lameiro ou Pontecaldelas.

*Cubela pregúntase “a quen intenta enganar agora o alcalde cando en 8 anos non deu ningún paso firme para aprobar o PXOM nin foi capaz de crear nin un só metro de solo industrial no municipio”.

*Considera que Cotobade podería ser perfectamente unha opción para a planta xaponesa se o Goberno local cumprira a tempo coas súas obrigas e funcións
Os populares sinalan que a única pretensión de Loureiro é “darse publicidade a si mesmo”

Cotobade, 29 de novembro de 2010.-

O PP local lamenta que a falta dun Plan de Urbanismo e a falta de solo industrial en Cotobade deixen nun “intento de vender fume“ a carta enviada por Loureiro a Mitsubishi ofrecendo terreos para a ubicación da planta de baterías de litio.

O presidente do PP local, Jorge Cubela, critica a actitude do alcalde ao considerar que “se lembrou moi tarde do concello”. E pregúntase “a quen intenta enganar agora cando en 8 anos non deu ningún paso firme para aprobar o PXOM nin foi capaz de crear nin un só metro de solo industrial no municipio”.

Cubela considera que Cotobade podería ser perfectamente unha opción para a planta xaponesa “se o Goberno local cumprira a tempo coas súas obrigas e funcións, pero Loureiro acórdase agora, que estamos preto das eleccións, das oportunidades perdidas, das que el é o único responsable”.

Ademais disto, os populares lamentan que “a pasividade do Goberno local estea a provocar que empresarios e autónomos do municipio se vexan obrigados a instalarse en concellos veciños como Campo Lameiro ou Pontecaldelas, pola falta de solo industrial.” E critican que “o alcalde pretenda que se instale Mitsubishi cando non é capaz nin de ofrecerlle terreos aos empresarios do seu propio concello”.

Cubela cualifica de “atrevemento” a actitude do rexedor local, pois “as promesas de Loureiro aínda están a monte”, referíndose ao polígono industrial que o Goberno local prometeu facer en Salgueirós, entre as parroquias de San Xurxo e Viascón.

Os populares sinalan que a única pretensión de Loureiro é “darse publicidade a si mesmo”, pois consideran que non é serio limitarse a mandar unha carta a estas alturas, cando as xestións para a adquisición de terreos comezaron hai moito tempo, e “ir por libre”, cando está mediando coa empresa xaponesa a Xunta de Galicia”.

domingo, 28 de noviembre de 2010

XXV Aniversario Unión Musical de Tenorio




Foi onte pola noite.

Unha cea na parroquia de Tenorio para conmemorar o XXV aniversario da Banda de Música.

Por outros 25 máis e entre o mesmo cariño que esta terra mantén hacia os nosos músicos.

Noraboa e moita sorte.

viernes, 26 de noviembre de 2010

Jorge Cubela presenta na Deputación varios proxectos para Tenorio

• Cubela valorou co vicepresidente do ente provincial, as posibilidades de financiar un proxecto de abastecemento e distribución de auga para todas as casas do lugar de Vilanova.
• Ademiais, trasladou a necesidade de reformar o local no que ensaia a banda de música de Tenorio.


Cotobade, 26 de novembro de 2010.-


O Presidente do PP de Cotobade, Jorge Cubela, tras varias reunións mantidas co presidente da Comunidade de Montes de Vilanova, Antonio Castro, e o presidente da banda de música de Tenorio, Manuel Pazos. Acudiu ata a Deputación Provincial, onde se reuniu co vicepresidente J.J Durán, para presentarlle varias proxectos e trasladarlle diversas necesidades da parroquia de Tenorio.

En primeiro lugar, Cubela valorou co vicepresidente do ente provincial, as posibilidades de financiar un proxecto de abastecemento e distribución de auga para todas as casas do lugar de Vilanova. “Un proxecto prioritario e sobre todo necesario para os veciños deste lugar”, manifestou Cubela, que se comprometeu a executalo se sae elixido alcalde do municipio.

Ademais disto, Cubela trasladou ata o ente provincial a necesidade de reformar o local no que ensaia a banda de música de Tenorio, que conta cuns 40 compoñentes e 20 nenos na canteira. Cubela apuntou que “na actualidade o local de ensaio atópase nun estado lamentable de conservación, sen tellado, con humidades e cunhas instalacións moi antigas”.

Cubela considera que “Cotobade necesita de inmediato unha xestión cultural, para facela máis eficiente e atractiva para a mocidade e os veciños do concello, pois na actualidade apenas existe”.

O presidente popular, plantexou a necesidade de crear unha escola de Música en Tenorio e interesouse ademais polas subvencións que o ente provincial ten coas escolas e bandas de música, “que tan necesarias resultan para a compra de instrumentos e pagos que na actualidade asumen os pais e os compoñentes da banda de música”.

martes, 16 de noviembre de 2010

O PP de Cotobade celebra a adhesión do municipio ao proxecto Wimax Rural da Deputación

Cotobade, 16 de novembro de 2010

* Jorge Cubela xa apuntara nunha reunión de traballo a necesidade de que o concello se sumara a este proxecto
* “Isto permitirá que os veciños de Cotobade poidan disfrutar deste servizo independentemente do lugar no que vivan”, asegura Cubela


O Presidente do PP de Cotobade, Jorge Cubela, valora moi positivamente a implantación no municipio da Rede Repoblar, a través do Wimax Rural Pontevedra, proxecto levado a cabo pola Deputación Provincial para permitir a conexión a Internet en todas as zonas rurais da provincia onde non chegan as compañías convencionais e ao mellor prezo do mercado.

Nunha pasada reunión de traballo, o presidente do PP en Cotobade xa manifestara a necesidade que de o concello se sumase a este proxecto xestionado pola Deputación, “xa que moitísimas zonas de Cotobade nin sequera dispoñían de acceso a Internet”.

Jorge Cubela agradece este importante esforzo por parte da Deputación para que Cotobade poida ser un Concello competitivo coa a súa adaptación ás Novas Tecnoloxías.

Grazas a esta actuación da Deputación, as zonas de Cotobade que aínda non dispoñían de acceso a Internet e a Banda Ancha poderán disfrutar deste servizo.

O prezo, 17 euros por 1 Mb de baixada e 384 Kb de subida, está entre os máis baratos de España e permite aforrar case 100 euros ó ano.

“Isto permitirá que os veciños de Cotobade poidan disfrutar deste servizo independentemente do lugar no que vivan, podendo ter as mesmas condicións e as mesmas oportunidades de acceder á Sociedade da Información, ademais de que contribúe a que os veciños de Cotobade non se teñan que desprazar a outros concellos para poder ter acceso a Internet”, conclúe Cubela.

lunes, 15 de noviembre de 2010

Jorge Cubela e os deputados do PP por Pontevedra denuncian a falta de compromiso do alcalde de Cotobade coa N-541

Cotobade, 15 de novembro de 2010.
  • Ana Pastor, María Ramallo, Jesús Pérez Arca e Jorge Cubela reuníronse con preto de 50 veciños para supervisar o “lamentable estado” da N-541

  • Os populares esixirán un “compromiso serio” do Ministerio de Fomento coa reparación desta infraestrutura.

Os deputados do PP pola provincia de Pontevedra, Ana Pastor, María Ramallo e Jesús Pérez Arca reuníronse o pasado sábado co presidente do PP de Cotobade, Jorge Cubela e con representantes de diferentes colectivos veciñais do municipio no punto neurálxico das obras da N-541 que continúan paralizadas despois de 6 meses.

Os populares consideran que “nin o alcalde de Cotobade nin o Ministerio de Fomento están traballando en serio para finalizar estas obras, o que supón un desprezo absoluto por todos os veciños de Cotobade e polos miles de viaxeiros que cada día percorren esta vía, fundamental para Cotobade e para a conexión de Pontevedra co Cerdedo, O Carballiño e Ourense”.

“Manoel Loureiro só reacciona ante as críticas da oposición e dos veciños, pero as súas solucións non están resultados moi efectivas, á vista de que o Ministerio de Fomento continúa sen dar resposta ás reclamacións do alcalde a pesar de que pertencen ao mesmo grupo político”, asegura Jorge Cubela.

Ana Pastor sinala que “o remate das obras é unha necesidade imperiosa, que debería terse producido hai moito tempo se o Ministerio de Fomento actuara con responsabilidade –nunha vía de titularidade nacional- que se deteriora a pasos axigantados a pesar de que non está aínda finalizada”.

Ante esta situación, os deputados populares no Congreso Ana pastor, María Ramallo e Jesús Pérez Arca van preguntar por escrito ao Goberno pola paralización das obras e a lentitude dos traballos, que continúan sen rematar case un ano e medio despois de que se producira o gran socavón nesta estrada. Tamén esixirán un compromiso firme por parte do Ministerio de Fomento coa reparación da infraestrutura, “antes de que teñamos que lamentar algún accidente grave, que afortunadamente non se produciu aínda a pesar do estado da vía”.

viernes, 5 de noviembre de 2010

JORGE CUBELA TRASMÍTELLE A LOUZÁN AS PRINCIPAIS DEMANDAS E NECESIDADES DE COTOBADE NUNHA XUNTANZA DE TRABALLO

Cotobade, 5 de novembro d 2010.


O presidente da Deputación, Rafael Louzán, mantivo unha xuntanza de traballo co Presidente do Partido Popular en Cotobade, Jorge Cubela, que solicitou esta reunión co obxecto de trasladarlle ó titular da entidade provincial diversas necesidades do municipio e demandas dos seus veciños.
En primeiro lugar e como actuación “de máxima urxencia” Cubela solicitou a mediación de Rafael Louzán coa Xunta de Galicia, concretamente coa Conselleira de Sanidade, para trasladarlle a necesidade de construír un novo centro de saúde en Carballedo para dar servizo ás parroquias da zona alta de Cotobade. “O actual está moi deteriorado e precisaría unha reforma integral moi custosa”, dixo Cubela que propón a execución dunha nova edificación”. Precisamente, indicou esta “será unha das miñas prioridades de traballo para o municipio”.

Campo de fútbol e internet

Cubela plantexoulle ó Presidente da Deputación a necesidade de dotar dunhas gradas dignas ó Campo de Fútbol de Caroi.
Cubela tamén se interesou polos programas da Deputación para a construción de campos de fútbol de céspede artificial de última xeración, e para a dotación da rede wimax.

Sobre o campo de fútbol Jorge Cubela declarou que “ os equipos de A Lama, Ponte Caldelas, e Campo Lameiro disfrutan actualmente dunhas instalacións dignas para a práctica do fútbol, mentres que os de Cotobade dispoñen dunhas moi deterioradas e antigas”. Cubela trasladoulle a Louzán a súa intención de presentar tanto na Deputación, como no propio Concello unha proposta para remodelar o campo de As Extremas con cargo a este plan.

Con respecto ó proxecto Wimax, Cubela tamén pretende solicitar ó Concello que se adhira a este plan da Deputación que permite a chegada de internet a aquelas zonas rurais onde non chegan as compañías convencionais, “pola falla de xestión do goberno municipal que fixo gala dunha auténtica deixadez para dotar de internet a todas as parroquias do concello”.

Chan industrial

Outra das necesidades que o responsable do grupo popular lle trasladou a Louzán foi a necesidade de crear chan industrial e por extensión postos de traballo en Cotobade, algo que Cubela ten por prioritario. Sobre este respecto o presidente da Deputación comunicoulle a Cubela que a entidade provincial conta cun departamento específico, o IPESPO, para a promoción de chan industrial da provincia, a través do cal se estudandiará a posibilidade de desenvolver un primeiro polígono no lugar de Salgueirós, entre San Xurxo de Sacos e Viascón.

Finalmente, Cubela trasladoulle a Louzán diversas demandas das Comunidades de Montes de Vilanova; San Xurxo de Sacos, principalmente relativas á captación de mananciais, subministro de augas etc.

miércoles, 3 de noviembre de 2010

La Escola de Canteiros colaborará en la restauración de la iglesia de Rebordelo

Cotobade, 3/11/2010

La Voz

El candidato del PP a la alcaldía de Cotobade, Jorge Cubela, ya ejerce de político. Ayer aprovechó la visita del presidente de la Diputación, Rafael Louzán, a Campo Lameiro para exponerle la situación de la iglesia de San Martiño de Rebordelo tras la caída de un rayo en la madrugada del pasado domingo.


Ambos se desplazaron hasta el tempo de Rebordelo, donde pudieron comprobar los desperfectos. La cruz que coronaba la cúpula de la torre del campanario cayó, arrastrando algunas piedras. Louzán anunció que el organismo provincial colaborará en la reparacion y restauración del campanario, una actuación que se hará a través de la Escola de Canteiros de Poio, dependiente de la Diputación, y cuya cuantía no concretó.

La iglesia de Rebordelo es de origen románico y conserva el antiguo ábside, reutilizado como sacristía. El temporal también afectó a los canalones metálicos de recogida de aguas.