Polo Parlamento galego

Ás oito e media fóra da cama. Almorzo un zume de laranxa, dous bollos e un vaso de leite con Nesquik (non ten grumitos).

Prosigue o día, vou ao banco a pagar a factura da luz, moi ben atendido en Caixa Galicia saio e tiro dirección Ó Hórreo, rúa que alberga a cámara que representa a soberanía galega, o Parlamento de Galicia, que conta xa con 26 anos de vida dende que se aprobara o Estatuto de Autonomía que lle permitiu á nosa terra adquirir unhas institucións propias, gracias ao recoñecemento do dereito á autonomía das diferentes nacionalidades e rexións, como ben di o art.2 da Constitución.

Dez da mañán, chego ao Parlamento, "como un neno con zapatos novos", acredítome e subo ata o piso 2 para entrar pola parte de invitados. A sensación que transmiten os pasillos son de gran tranquilidade, era "como estar na casa".

Comeza o pleno. Non vou tratar todas as intervencións por cuestións de espacio e de tempo, pero sí vou dicir unhas apreciacións e opinións.
O que está a acontecer en Galicia, todo o que lle afecta é o suficientemente grave como para que a "Telegaita" ou "Nodo-Touriño" non poña nin a mínima parte das intervencións da oposición, unha oposición da que puiden comprobar que ten unha categoría na oratoria e en formación política moito máis superior á que existía ao goberno de Manuel Fraga, e podo dicir isto, xa que daquela non había un control dos medios de comunicación e, polo que, se recollía nun gran espacio todo o que manifestaba a oposición. Se todos os galegos puideran ter a oportunidade de asistir tan so a un pleno saberían ben o que acontece en Galicia... ¿Cantos galegos saberán que o señor Touriño e o señor Quintana, Presidentes do Bigoberno, teñen case tantos asesores entre os dous, 93, que Lula Dasilva, 109, que goberna para 109 millóns de habitantes?. ¿ Ou que o goberno invertiu en persoal este ano un 36% máis?.

Foron algunhas das preguntas do líder da oposición, Núñez Feijoo.
Outras intervencións que tamén me encantaron foron as de Bernardo Tahoces, moi bo no cara a cara, e Alejandro Gómez, que foi o encargado de presentar a moción sobre a reprobación da Ministra de Fomento, a mesma que defenestrou o Plan Galicia e condenou a Galicia a non ter AVE ata o 2.020.
O señor Gómez apelou polo ben de Galicia e dos seus intereses a que a moción saíse a diante cos votos do BNG, que se venderon en Madrid a cambio dunha foto de Quintana con Zapatero, moi ben explotada polo BNG, por certo.
Pero dende que deputados do BNG da taia de Beiras ou Salomé Álvarez abandoasen a vida parlamentaria o sentido común non lles soe visitar moito...

O BNG fala de nacionalismo, de lingua, de historia, de patriotismo, pero faime gracia que cando o diputado Alejandro Gómez dixo que pensarían devanceiros galeguistas como Castelao ou Risco sobre a postura do BNG , unha deputada do Bloquedixo "hai que ter vergonza", VERGONZA por nomear a un patrimonio que lle pertence en historia a tódolos galegos, como o son cada escritor e político que tivo nas súas aspiracións o recoñecemento e a defensa de Galicia como pobo.
Trece persoas pretenden apropiarse do que representan tamén 62 persoas máis, a soberanía.

Ao BNG: ser galeguista non é presumir de selo, senón de demostralo, e o primeiro para ser galeguista é denunciar as situacións de defenestración como á que nos condenou a ministra do "Plan Galicia de merda"...
De cara ao futuro non estarán lexitimados para denunciar o atraso de Galicia cando, pola contra, non se atreven a reprobar á ministra que menos e máis mal invertiu en Galicia, cuias consecuencias pagaremos ata 2.020.

Tívenme que ir á unha e media, en plena intervención de Balseiro e, como xa vedes, foi un pleno moi entretido para alguén que lle apasiona a política e o coñecementos dos principais problemas da súa terra, porque algúns non so dicimos que somos galeguistas, senón que tamén o demostramos...

Gracias ao grupo popular, pero en especial a Marta! Gracias dende aquí!!

Viva o Parlamento.