Rajoy impulsará el Plan Galicia para colmar los ´anhelos y deseos de la tierra´

Déixovos o enlace ao artigo sobre o apoteósico mitín de onte en Vigo.
www.farodevigo.es/secciones/noticia.jsp?pRef=3286_6_205484__ESPANA-RajoyldquoSacare-cajon-anhelos-Galiciardquo

O de onte foi un dos mellores mitins de Mariano Rajoy en Galicia, certo, estaba na súa terra, onde naceu e onde vive.

Prometeu que se chega a Presidente do Goberno Vigo e Pontevedra terán AVE; haberá autovía a Pontevedra; axencia europea de pesca; a mellora do porto e do aeroporto; e o Plan Galicia, aprobado por un Consello de Ministros feito na Coruña, onde Mariano Rajoy era Vicepresidente do Goberno por aquel entón, ademais dando a cara dende Galicia na batalla contra o Prestige.

De Rajoy pódense dicir moitas cousas, pero tamén hai que dicir que é un político moderado, racional, dialogante e que defende as autonomías de España.

É un galego comprometido con Galicia e a súa historia, é neto dun galeguista histórico como Rajoy Leloup, un dos principais redactores e impulsores do Estatuto de Autonomía do 1936.

Sendo Ministro nos gobernos populares, Galicia mellorou en autogoberno o que non melloru en toda a súa historia anterior.
Impulsáronse os traspasos de competencias que a Constitución Española recoñece no seu artigo 148.1, posibilitando a formación dun autogoberno propio e forte para a nosa terra.
En cambio, o BNG, que polo de agora anda patrimonializando tódolos símbolos da galeguidade como se, por iso, contribuiran moito ao autogoberno do país, polo único que pasará á historia nesta lexislatura será por permitir que a peor Ministra de Fomento da democracia para Galicia, Magdalena Álvarez, que paralizou todas as obras e infraestructuras concertadas para os galegos, seguise no seu cargo de modo impune.
Ao BNG non se lle concedeu nada do prometido en commpetencias de autogoberno.

Con humildade podo dicir e como galego tamén, que Galicia lle debe moito aos anos de Mariano Rajoy como ministro.
Sevilla mellorou moito con Felipe González, Valladolid con Aznar, León con Zapatero, e Galicia conseguirá con Mariano Rajoy como Presidente unhas cuotas de poder e progreso que nin os nosos devanditos devanceiros soñarían nunca.

Dende o pobo, con lealtade ao pobo e ao servicio do pobo... por Galicia, por Rajoy.