Por Galicia!

Hoxe veu a Galicia Mariano Rajoy enorgullocéndose da súa condición de galego, concretamente a Vigo, para clausurar a Interparlamentaria do PpdeG coa presenza de numerosos deputados provinciais, autonómicos, nacionais e senadores. Precedéronlle na palabra Corina Porro, absoluta vencedora das eleccións municipais viguesas pero desprovista da alcaldía; Alfonso Rueda, secretario xeral; Barreiro, presidente do PP de lugo; Núñez Feijoo, que fixo unha ampla exposición de datos dos diferentes resultados electorais que houbo no territorio galego nas pasadas eleccións protagonizando unha reflexión para correxir posibles erros e seguir na liña que os galegos demandaron nas eleccións, que se de seren autonómicas o PP recuperaría a maioría absoluta.

Á súa vez, Núñez Feijoo, fixo unha denuncia explícita do abandono de Galicia por parte do goberno central e da falta de proxectos clave para esta terra, prometendo un cambio na política para que sexa de cara ós cidadáns se chega á Xunta.

Mariano Rajoy fixo unha boa valoración dos resultados electorais xa que non se contaba nin co goberno central nin co autonómico, defendendo a reforma da Lei electoral que levará no seu programa para ás elecións xerais, que como dixo son xerais porque son de todos e respetar así a vontade popular.

Entre as boas noticias que se puideron escoitar se encontran as grandes promesas políticas que cumprirá como a rebaixa de impostos, denunciando o último intento de súbida de Zapatero como por exemplo o da luz, anulado pola presión que fixo el mesmo, Rajoy, no congreso. Tamén defendeu a supresión do imposto de Patrimonio e máis de Sucesións e Donacións. Defendeu enerxicamente unha educación de calidade que prime o mérito, o esforzo e a excelencia dos alumnos como garantía de progreso e de futuro para mellorar a competitividade e poder competir. Mostrou tamén a súa preocupación polo pouco nivel adquisitivo dos españois reflectido en Eurostat.

Veuse a un Rajoy cun discurso máis centrado nos problemas da xente de a pé, que comprende a súa realidade e os seus problemas, deixando respirar un pouco máis os temas de Estado como ETA. Agora máis que nunca España ten a oportunidade de recuperar o prestixio que tiña en Europa e no mundo, devolver á política española ó sentido común e centrarse nas persoas deixando os temas ambiguos dos que fixo gala Zapatero.

RAJOY PRESIDENTE.