Os políticos que vacían as arcas municipais...

Creo que despois destas eleccións municipais os galegos podemos afirmar que nunca as arcas dos concellos sufriran tales "golpes de Estado".

Según un estudio feito para o PPdeG. os gobernos de coalición entre BNG e PSOE nas grandes cidades e noutros concellos máis pequenos cústanlle o dobre aos cidadáns, e os trigobernos, o triple.

Por exemplo, o concello de Vigo duplicou o presuposto para soldos con respecto ao goberno de Corina Porro, en Ourense o mesmo. E un exemplo de concellos pequenos é o de Cotobade. Este é un concello peculiar neste sentido, xa que tan só ten 4850 hab. Nos inicios da democracia o alcalde, Ramón Abal, presentábase por UCD seguido de persoas no número dous como meu pai. Tras a crisis e posterior desaparición deste partido integráronse daquela na Coalición democrática de Manuel Fraga, afiliándose finalmente ao recente constituído Partido Popular. O señor Abal, do que non comparto as súas últimas actuacións no goberno, tiña un soldo de 180.000pts ao mes e o resto dos concelleiros só percibían de retribución unha comisión por asistencia a plenos. Podo dicir honradamente que o meu pai en 16 anos de concelleiro, entre os que foi 1º Teniente alcalde e alcalde en funcións en moitas ocasións, non tivo máis soldo que o percibido a través destas comisións que nunca excedían as 9000 pts por pleno. Hoxe o concello no que traballou o PP durante 30 anos e o meu pai durante 16 está rexido por unha coalición de Psoe e BNG. Agora comezo coas contas:

Alcalde (PSOE): 40.000 euros ao ano.

I Teniente de alcalde (BNG): 16.500 euros ao ano.

II Concelleiro do BNG: 16.500 euros ao ano.

II Concelleiro do PSOE: 16.500 euros ao ano.

A conta dá preto de 90.000 euros ao ano.

Pero o mellor non é só isto, sabedes que lle di o alcalde aos veciños cado lle van a pidir un servizo? Non hai cartos. Sí, agarrádevos á silla ou á mesa máis próxima porque é certo, ide un día por ese bonito concello e veredes o que vos din... Moito se rí a xente de Abal e de xente como meu pai, que eran chamados caciques pola oposición, agora goberno, no seu momento...Hai que parviños foron...ou que honrados?, a resposta é evidente, é universal.

Esta é a diferencia entre uns e outros, en canto ao PP só se lle podía criticar polo excesivo soldo da alcaldesa de Sanxenxo, municipio ao que aprecio e onde coñecín a xestión de Telmo Martín tras moitos veráns de fermosa estancia alí; a alcaldesa cobraba un soldo desproporcionadamente altísimo, pero no que xa rectificou baixandoo en moito máis tra-la protesta veciñal e do propio partido, PP.

Esta é a vergoña que está a asolar a meirande parte dos concellos galegos onde existe unha coalición de "progreso"... Pero señor Fraga, señores do PP cantas veces escoitamos á xente dicir que caciques eran os alcaldes e concelleiros do PP?... Que xusta é a historia e cantas veces o repetirei, ao final todo o mundo acaba no seu sitio, e podo dicir que eu, fillo dun ex-concelleiro, que tiña como única vocación axudar aos seus veciños, podo levar a cabeza ben alta por ter un pai honrado coas mans limpas e pertencer a un partido sensato e con sentido común no referido a este tema, logo noutros en tódolos partidos hai de todo.

Pido aos lectores deste blog que pensen qué partido é o que está defendendo unha regularización dos soldos de alcaldes e concelleiros e cales non para telo presente nas vindeiras eleccións, porque de seguro eses que non queren a regularización dos soldos opoñeranse á reforma da lei electoral para seguir "repartíndose o pastel" entre os que conforman un goberno de "progreso".