A MALA XESTIÓN DO BIPARTITO REFLÍCTESE NO INFORME DO VALEDOR DO 2007

Blanco decide adiantar as eleccións galegas vendo a mala xestión do Bipartito tralo informe do Valedor do 2007.

O informe do Valedor do Pobo correspondente ao ano 2007 supón “un serio tirón de orellas” ao Goberno bipartito da Xunta de Galicia, cun incremento nas queixas dun 26,32% ao respecto do ano anterior.

Este Aumento é a tónica xeral dende a toma de posesión do actual goberno xa que no 2006 incrementáronse nun 37,89%.

Os departamentos autonómicos que mais insatisfacción xeran aos galegos son os de Educación, Política Territorial e Medio Ambiente, coincidente, coa área de goberno socialista.

Touriño non só non dirixe ben o seu goberno, porque parte do mesmo depende do señor Quintana, é que ademais dirixe especialmente mal as súas Consellerías.

Obras públicas e expropiacións lidera as áreas públicas con maior número de queixas seguido da Administración económica, comunicacións e novas tecnoloxías, sendo a terceira área de peor funcionamento Medio Ambiente.

A demora na xustiza agrupa o 94% das queixas nesta área poñendo de manifesto, segundo o propio informe, “a incapacidade da Administración de Xustiza, na forma en que esta desenvolvida neste momento, para facer efectivo o dereito á tutela xudicial efectiva”. O propio informe sinala como remedio a esta situación a necesidade de adaptación da planta xudicial, á necesidade de maior dotación de xuíces, persoal e medios e pecha facendo unha chamada a un “esforzo investidor” para superar os problemas da Xustiza.

Sobre a Sanidade, o informe alerta de que non está ben resolto o tema da coordinación entre a atención primaria e especializada e incide no grave problema que supón a lista de espera. Estas listas afectan a todas a especialidades que atenden á saúde das mulleres e das persoas maiores, manifestándose unha discriminación en eses colectivos, e non se presentan como uniformes en todos os centros.

No informe o Valedor do Pobo fai referencia á necesidade “dunha vontade política de mellora en xestión de centros hospitalarios” o que ben a ser un varapalo a actual xestión da área sanitaria da Xunta de Galicia.

O informe é un correctivo á Consellería de Política Territorial, á que responsabiliza pola “insuficiente resposta de retraso no cobro das indemnizacións por expropiación”.

Así mesmo fai unha chamada de atención á Consellería de Vivenda sobre o realoxamento de familias ás que se lles expropia a vivenda, sobre a ocupación desas vivendas antes de pagar un prezo xusto e a necesidade de intervención de organismos alleos á consellería na fixación do prezo.

Ao respecto do urbanismo a censura máis grave do informe fai referencia á pasividade da administración tanto na execución como na tramitación de expedientes, que pode chegar a provocar a prescrición de infraccións e sensación de impunidade.

Os feitos son feitos, estamos mellor agora que fai 3 anos e medio?