Este ano Iria Aboi volverá faltar ó respeto ós moz@s galegos?

Nalgunhas cousas estou dacordo co BNG pero nunha sí que non, a súa actual liña política. Comezo partindo de que son doutro partido político pero o respeto ideolóxico o teño por calquera partido, mais non teño porque estar dacordo nos principios dos demais, pero iso é a democracia. En tempos de Beiras, o BNG era a única alternativa ó PP e, agora, coa actual liña política o único que conseguiu ser é unha forza para permitir ao PSOE gobernar onde lle interese o apoio do BNG, quedando relegado a un partido de terceira división, moi lexos do que fora o BNG do señor Beiras, ao que me gustaba escoitar e no que recoñezo unha profunda lealtade á súa idea de Galicia.

Pois un exemplo desta actual liña do BNG propiciada polo poder interno da UPG refléxase moi ben nas súas xuventudes con militancia. O pasado ano, na conmemoración "do Día Nacional de Galicia" -definido así polas institucións-, os militantes de Galiza Nova acudiron ao Panteón de galegos ilustres para facer unha ofrenda floral como fixeramos outros, e que debería ser igual de respetable para un que para o outro. Pero non ocorreu así. Mentres o líder popular, Núñez Feijoo, encabezaba unha marcha na defensa da xuventude, na que defendía posturas liberais e nas que lles aconsellaba "non ter nin ideoloxías pechadas, nin pensamentos pequenos nin ideas de conveniencia", defendendo un galeguismo integrador e un discurso conciliador, pois nin era o día de entrar en loitas políticas nin de faltar ao respeto a ninguén, demostrando quen sí respeta a un día como o 25 de xullo, dando unha auténtica lección de respeto, en contra posición do feito por Galiza Nova e, en concreto, pola secretaria xeral da organización, Iria Aboi, que acusou ao PP "de ultraxar" e "prostituir" os símbolos de Rosalía e Castelao.

Os símbolos galegos como a bandeira, o himno ou mesmo os escritores son patrimonio de Galicia e de tódolos galegos, sexan do partido que sexan.

Esta é a liña que manda no BNG, a imposición ou tamén a que se non se fai o que a eles lles gusta non eres nin galego nin merecedor de defender a emblemas da galeguidade como estes dous devanceiros, que existiron moito antes que todos nós.

Coa de xente preparada, traballadora e con sentido común que debe haber en Galiza Nova gaña a liña máis radical. Isto evidentemente non é bo para os xóvenes, xa que cantas máis organizacións moderadas haxa na defensa dos nosos intereses mellor será para nós e as nosas conquistas en común, pero se o obxectivo é calumniar e faltar ao respeto o único que saco en limpo é que non son galeguistas e, menos, que sexan xente que represente á mocedade desta terra.

Ninguén, e menos unha líder dunha organización política, pode patrimonializar nin privatizar os símbolos e iconos da historia reivindicativa de Galicia, e menos a UPG da que forma parte Aboi, que se declara "leninista", que dito sexa de paso para nada é a ideoloxía de Castelao e menos de Rosalía de Castro. Con Rosalía comeza o auténtico Rexurdimento cultural e literario; a súa obra é unha síntexe moi perfecta da defensa de Galicia, sendo unha boa observadora da realidade galega como no poema "adeus ríos, adeus fontes", con posturas reivindicativas que calquera bo galego por deber tería que facer naqueles tempos foran de esquerdas ou dereitas, e nunca mostrado isto por Rosalía, xa que da política encargábase o seu home, o rexionalista Murguía, que é aceptado polo PP no seu ideario autonomista e rexionalista, e que nunca defendeu a autodeterminación como o BNG, co que Rosalía xa nin de asombro pode ser patrimonializada nin polo BNG nin por ningún outro partido político.

Castelao é considerado o pai de Galicia e de tódolos galegos, pero ideoloxicamente nos termos políticos nos que se define a UPG pouco ten que ver con ela, hoxe en día prestaría servicio nun partido de ideoloxía próxima a un partido nacionalista, pero non independentista. Del sabemos que foi un dos pioneiros da Xeración Nós, onde se encontraban persoas cun único obxectivo -reclamar unhas institucións propias e o recoñecemento oficial do idioma e da cultura galega-, e que tivo un importante labor xunto co Seminario de Estudo galegos na fundación en 1931 do Partido Galeguista, onde se pode atopar a persoas tan diferentes en posturas ideolóxicas como Risco e Villar Ponte, aínda que logo todo terminaría en ecisión e en oscuros tempos para o galeguismo por mor da guerra civil.

Castelao era un home moi progresista, pero á vez moi conservador en canto ás liñas defendidas para Galicia, para as súas estructuras e a súa política, polo que podemos olvidar por completo o cuño de leninista, xa que entre outras cousas a súa defensa basábase no pobo e non no marxismo e, menos aínda, na revolución.


Dáme lástima que por falta de argumentos e por non ter valentía para denunciar os erros da Xunta en política de xuventude, como o mal establecido Noitebús; a bolsa de alugueiro; a lei de xuventude copiada tal cual ó anterior goberno... haxa que recorrer a descalificacións contra o adversario.

O BNG crerá nunha "Galiza ceive e popular". A maioría dos galegos cren nunha Galicia aberta; na Galicia dos galegos e da liberdade; non uniformizadora, senón plural; democrática; que mire ó futuro e non ó pasado máis desgraciado; que sexa capaz de reclamar a súa cultura sen ter que autoexcluirse dos demais; que camiñe hacia o europeísmo e á integración constitucional de España.

Non quero entrar no argumento que deu para este tipo de razoamentos ilóxicos "de que o PP intenta ser galeguista e ao memo tempo impide que se fale galego". Quizais debería reflexionar sobre quenes son os que non permiten falar galego con liberdade xa que o único que tratan e trataron de facer coa última lei foi que na escola se impoña o galego como idioma, sen respetar a liberdade dos alumnos a escoller lingua, e ademais, quizais, Iria Aboi nin sabe qué goberno foi quen aprobou a lei de Normalización Lingüística por unanimidade. Hai moitos ilustres galeguistas como Albor ou Ramón Piñeiro que non teñen nada que ver cos plantexamentos nacionalistas. De calquera modo, toda esta situación que se dera o pasado ano, por parte dalguén que ten como obrigación defender á xuventude e os seus intereses non debería nin dicilo aínda que fora por humildade.